Eqqussuineq, nioqqutissiorneq atuinerlu

Uani sammineqarpoq kisitsisit atorlugit nalunaarsuusiornermi imigassaq qanoq annertutigisoq Kalaallit Nunaannut eqqunneqartartup aammalu nunap iluani immiorneqartartup nioqqutissiarinera. Imigassamut pilersuineq qanoq annertutigisumik imertoqartarneranut uuttuutitut atorneqassappat eqqaamaqquneqarpoq, pilersuinerup atuinerullu akornanni pissutsit ataqatigiinneranni paasiuminaattoqarsinnaammat.

 

·         Inuinnaat namminneq immiortarnerat: Inuit nammineq immiotarnerata atuinerup pilersuinermiit annertuneruneranik kinguneqarsinnaavoq. Kalaallit Nunanni nammineq immiortarnerup annertussusaa kisitsisitigut takussutissaqanngilaq.

·         Toqqorsivimmut/quersuarmut pisiniarneq: tamanna ilaatigut Kalaallit Nunaanni sunniuteqarpoq, inuiaqatigiit ikinnerat assartuinermilu unammillernartoqarsinnaasarnera taamaasillunilu sillimasariaqartarneq. Tamanna atuinermut sunniuteqartanngikkaluartoq, kisianni eqqussuinermi ukiumiit ukiumut allanngorarnerinut sunniuteqarsinnaavoq.

·         Nioqqutissat pisoqalisimasut imaluunniit aserorsimasut maanngaannartut: Tamanna sunniutaagajuppoq pingaartumik ataatsimut annertussuseq isiginiassagaanni, kisianni soorunami nalunaarsuutimut annikikkaluamik sunniuteqarsinnaavoq.

·         Eqqunneqartut nalunaarutigineqanngitsut (netto-grænsehandel): Nunamiit nunap sanilianut ajornannginnerusumik isersinnaaneq, imigassap assigisaalu nunami allami akikinneruppata eqqussuinermit annertunerusumik atuisoqarsinnaavoq. Tamanna Kalaallit Nunaanni akitsuutip qaffasinnera pissutaalluni sunniuteqarsinnaavoq – kisianni Kalaallit Nunaata inissisimanera pissutaalluni taamaallaat tikiffigineqarsinnaasut ikitsuinnaapput.

·         Nunat assigiinngitsut akornanni mittarfeqarfinni akitsuusigaangit­sumik pisiniarneq: Tamanna naatsorsuinermut ilaanngilaq, periaaseq taanna nuna avannarlerni atuuppoq. 2020-mi covid-19 pissutigalugu angallannerup annikinnera aallaavigalugu naatsorsuutigineqarsinnaavoq akitsuusigaanngitsumik pisisarneq ukiut siuliinut sanilliullugu annikinnerussasoq.

·         Takornariat, tikeraat imaluunnit ukiup ilaatigut sulisartut atuinerat kisitsisitigut immikkut takussutissaqanngilaq.

 

Eqikkaanermi imaappoq, nalunaarsuutini Kalaallit Nunaannut imigassamik eqqussineq aammalu nunap iluani tunisassiarineqartut qularnanngitsumik atuinerup annerpaartarivaa. Naatsorsuinermi pissutsit qulaani taaneqartut pissutaallutik atuinerup pilersuinerullu qanoq nikingatiginerat eqqortumik oqaatigineqarsinnaanngilaq.